Daily Jang Urdu News - Pakistan News Urdu - Jang Searchable: فٹ بال مداحوں کی سیاہ فام شخص کے ساتھ بدسلوکی

Daily Jang Urdu News - Pakistan News Urdu - Jang Searchable

Jang Searchable that helps you find News on Various Topics. Urdu news, Pakistan News, Latest News, Breaking News, Current News, Politics, Sports, Cricket

فٹ بال مداحوں کی سیاہ فام شخص کے ساتھ بدسلوکی
http://beta.jang.com.pk/JangDetail.aspx?ID=175548
Feb 18th 2015, 16:10

پیرس......فرانس میں ایک ایسی ویڈیو سامنے آئی ہے جس میں چیلسی فٹ بال کلب کے مداح ایک سیاہ فام شخص کو پیرس کی ایک ٹرین میں سوار ہونے سے روک رہے ہیں۔موبائل فون پر بنائی جانے والی ویڈیو میں دیکھا جا سکتا ہے کہ ایک سیاہ فام شخص مسلسل پر ہجوم میٹرو ٹرین میں سوار ہونے کی کوشش کرتا ہے اور لیکن اسے بار بار باہر دھکیل دیا جاتا ہے۔لوگوں کے ایک گروہ کو یہ گاتے ہوئے سنا جا سکتا ہے کہ 'ہم نسل پرست ہیں، ہم نسل پرست ہیں اور ہمیں یہی طریقہ پسند ہے۔یہ واقعہ چیمپیئنز لیگ کے میچ سے قبل پیش آیا۔چیلسی فٹ بال کلب کا کہنا ہے کہ وہ پولیس کے ساتھ تعاون کرے گا اور اگر کوئی مداح اس میں ملوث پایا گیا تو اس پر پابندی عائد کی جائیگی۔یہ ویڈیو فوٹیج برطانوی اخبارگارڈین کو حاصل ہوئی ہے جس کے مطابق یہ واقعہ منگل کو شہر کے مرکزی سٹیشن میں پیش آیا۔ویڈیو میں ایک شخص کو گنگناتے ہوئے سنا جا سکتا ہے 'چیلسی، چیلسی، چیلسی'۔برطانوی نڑاد شہری پال نولان نے یہ واقعہ اپنے فون پر فلم بند کیا ہے۔ پال نولان کے مطابق وہ اورا سٹیشن میں موجود دیگر لوگ کافی خطرہ محسوس کر رہے تھے۔نولان نے بتایا کہ ٹرین میں سوار ہونے کی کوشش کرنے والا شخص مکمل صدمے میں تھا جب اسے دھکیلا گیا۔



You are receiving this email because you subscribed to this feed at https://blogtrottr.com

If you no longer wish to receive these emails, you can unsubscribe here:
https://blogtrottr.com/unsubscribe/5kX/7CNPj8