لاہور: وزیراعلیٰ پنجاب سردارعثمان بزدار نے لیڈی ڈاکٹر کی پراسرارموت کے واقعے کا نوٹس لیتے ہوئے سی سی پی او سے رپورٹ طلب کرلی۔
تفصیلات کے مطابق لاہور میں جناح اسپتال کی لیڈی ڈاکٹر کی پراسرار موت پروزیراعلیٰ پنجاب نے واقعے کی تحقیقات کا حکم دے دیا۔
وزیراعلیٰ پنجاب سردارعثمان بزادر نے سی سی پی او کو ہدایت کی کہ جامع تحقیقات کرکے رپورٹ پیش کی جائے اور واقعے سے متعلق حقائق جلد منظرعام پرلائے جائیں۔
دوسری جانب وزیر صحت پنجاب ڈاکٹر یاسمین راشد نے بھی ڈاکٹر کی پراسرار موت کے واقعے کا نوٹس لے کر ایم ایس جناح اسپتال کو واقعے کی تحقیقات کی ہدایت کی ہے۔
محکمہ صحت کے ترجمان کے مطابق تحقیقات کے بعد ہی لیڈی ڈاکٹر کی موت کا سبب معلوم ہو پائے گا۔
خیال رہے کہ لاہور کے جناح اسپتال کے گرلز ہاسٹل میں لیڈی ڈاکٹر پراسرار طور پرکمرے میں مردہ حالت میں پائی گئی۔
جناح اسپتال کے ایم ایس ڈاکٹر عاصم کا کہنا ہے کہ ڈاکٹر ایم ایس گائنی کی اسٹوڈنٹ تھیں، روٹیشن پر سرجیکل یونٹ ون میں کام کررہی تھیں۔
Comments
Source link
