Daily Jang Urdu News - Pakistan News Urdu - Jang Searchable: لاہور:میڈیکل کی طالبہ اتفاقیہ فائرنگ سے ہلاک،دو افراد گرفتار

Daily Jang Urdu News - Pakistan News Urdu - Jang Searchable

Jang Searchable that helps you find News on Various Topics. Urdu news, Pakistan News, Latest News, Breaking News, Current News, Politics, Sports, Cricket

لاہور:میڈیکل کی طالبہ اتفاقیہ فائرنگ سے ہلاک،دو افراد گرفتار
http://beta.jang.com.pk/JangDetail.aspx?ID=176013
Feb 22nd 2015, 17:30

لاہور......لاہور کے علاقے سندر میں میڈیکل کی طالبہ مبینہ طور پر اتفاقیہ فائرنگ سے ہلاک ہو گئی ۔ پولیس نے ایک نوجوان وکیل اور اس کی ملازمہ کو گرفتار کر کے مقدمہ درج کر لیا۔ مقتولہ کے والد کا کہنا ہے کہ ملزم نے ان کی بیٹی سے زیادتی کی کوشش کی۔ رحیم یار خان کی طالبہ انعم لاہور کے ایک میڈیکل کالج میں پڑھتی تھی۔ وہ اپنے دوست وکیل ساجد حمید سے ملنے اس کے گھر گئی ۔ جہاں مبینہ طور پر اتفاقیہ گولی چلنے سے اس کی موت واقع ہو گئی۔پولیس نے کارروائی کرتے ہوئے ساجد اور اس کی ملازمہ صنم کو گرفتار کر لیا۔ملزم ساجد نے پولیس کو اپنے ابتدائی بیان میں بتایا کہ اس کی انعم سے انٹرنیٹ پر دوستی ہوئی، اس نے ملاقات کے لئے گھر بلایا، یہ ان کی پہلی ملاقات تھی۔ وہ کسی کام سے بالائی منزل پر گیا تو گولی چلنے کی آواز آئی، دیکھا تو ملازمہ صنم کے ہاتھ سے اچانک گولی چل گئی تھی۔ ملزمہ صنم کا کہنا ہے کہ وہ پستول صاف کر رہی تھی کہ گولی چل گئی۔ جو انعم کے پیٹ میں لگی، اسے فوری طورپر جناح اسپتال لے جایا گیا تاہم وہ دم توڑ گئی۔ پولیس نے مقتولہ کے والد محمد امین کی مدعیت میں ملزم ساجد اور صنم کے خلاف مقدمہ درج کر لیا،انعم کے والد محمد امین نے موقف اختیار کیا کہ ساجد حمید لڑکی کو ورغلا کر اپنے گھر لے گیا، جہاں زیادتی کی کوشش کی، مزاحمت پر اسے فائرنگ کر کے قتل کر دیا۔دونوں نے ان کے سامنے اقرار کیا کہ ان سے غلطی ہو گئی، معاف کر دیں۔



You are receiving this email because you subscribed to this feed at https://blogtrottr.com

If you no longer wish to receive these emails, you can unsubscribe here:
https://blogtrottr.com/unsubscribe/5kX/7CNPj8